Emma Stone
amerikansk skodespelar From Wikipedia, the free encyclopedia
Remove ads
Emily Jean «Emma» Stone (fødd 6. november 1988[1]) er ein amerikansk skodspelar som er kjend for roller som Skeeter i Barnepiken og Gwen Stacy i The Amazing Spider-Man. Elles har Stone òg opptredd i filmar som Crazy, Stupid, Love, Marmaduke og Gangster Squad. Ho vann Oscar for beste kvinnelege hovudrolle for rolleskildringa i La La Land og fekk hovudrolle i Disneys Cruella (2021).
.jpg)
Remove ads
Karriere
Stone hadde fleire småroller på TV, før ho fekk ei av hovudrollene i TV-serien Drive (2007), som vart kansellert etter fire episodar. Den første store filmrolla hennar var i komedien Superbad (2007), der ho spelte mot mellom anna Jonah Hill og Michael Cera. Ho spelte deretter i fleire komediar, som The Rocker (2008), The House Bunny (2008) og Ghosts of Girlfriends Past, før ho fekk rolla som Wichita i hitfilmen Zombieland (2009), som også hadde med Jesse Eisenberg og Woody Harrelson. Etter det fekk ho hovudrolla i Easy A og Barnepiken, og dessutan at ho òg spelte ei viktig rolle i Crazy, Stupid, Love med Steve Carell og Ryan Gosling. Stone vart nominert til ein Golden Globe for rolla si i Easy A.
Ho portretterte Gwen Stacy i The Amazing Spider-Man med Andrew Garfield, som var ein gjeninnspeling av Spider-Man-serien frå 2000-talet. Ho hadde òg denne rolla i oppfølgjaren The Amazing Spider-Man 2 frå 2014.[2][3] Stone spelte igjen mot Ryan Gosling i kriminalfilmen Gangster Squad (2013), ein film der òg Josh Brolin og Sean Penn spelte hovudroller.
Ho har òg spelt i filmane Birdman og Magic in the Moonlight. Stone vart nominert til Oscar for beste kvinnelege birolle for rolleskildringa i Birdman. I 2017 vann ho òg Oscar for beste kvinnelege hovudrolle for arbeidet i Damien Chazelles filmmusikal La La Land, der ho spelte hovudrolla som Mia Dolan.
Remove ads
Biografiske opplysningar
Ho er dotter av Krista og Jeff Stone, har ein bror som heiter Spencer, og kan spora delar av familien tilbake til Sverige. Ho har opplyst at familie og venner kallar henne Emily, men at ho har teke artistnamnet Emma fordi namnet Emily Stone allereie var oppteke då ho søkte om å bli medlem i Screen Actors Guild, i tillegg til at mora bruker det som kjælenamn på henne. Som døme på favorittfilmar har ho nemnt Manhattan, Network, Harold and Maude og Byens lys. Skodespelaridola hennar er Gilda Radner og Diane Keaton.
Emma Stone er naturleg blond, men ho fekk si første rolle i tenåra etter å ha farga håret mørkebrunt.[4] Judd Apatow, produsenten av Superbad, fekk henne deretter til å farga håret raudt fordi han meinte dette passa betre til rolla i Superbad. Som Gwen Stacy i The Amazing Spider-Man og The Amazing Spider-Man 2 har ho sin naturlege blonde hårfarge.[5]
Remove ads
Filmografi
Film
Fjernsyn
Remove ads
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads