Enjoy Yourself

Enjoy Yourself er det andre albumet til den australske songaren Kylie Minogue, utgjeve av PWL den 9. oktober 1989. Albumet vart produsert og skrive av Stock Aitken Waterman, bortsett frå «Tears on My Pillow». Det er vorte notert at albumet er svært lik den føre utgjevinga til Minogue, Kylie. Albumet fekk blanda meldingar frå kritikarar.

Enjoy Yourself Studioalbum av Kylie Minogue
Språk	engelsk
Utgjeve	9. oktober 1988
Innspelt	februari–juli 1989
Sjanger	Dansepop
Lengd	32:55
Selskap	Mushroom Records Geffen Records
Produsent	Stock Aitken Waterman
Kritikk
Allmusic lenkje
Kylie Minogue-kronologi
Kylie (1988)	Enjoy Yourself	Rhythm of Love (1990)
Singlar frå Enjoy Yourself
«Hand on Your Heart» Utgjeve: 24. april 1989 «Wouldn't Change a Thing» Utgjeve: 24. juli 1989 «Never Too Late» Utgjeve: 23. oktober 1989 «Tears on My Pillow» Utgjeve: 8. januar 1990

Innspeling

Etter den kommersielle suksessen med debutalbumet Kylie i 1988 byrja Minogue innspelinga av det neste albumet med produsentane Stock Aitken Waterman på PWL Studios i London i februar 1989. Innspelinga òg fann stad i april og juli 1989 med coverversjonen av «Tears on My Pillow» som var ein av dei siste songane som vart spelt inn til albumet.

Listeplasseringar og sal

Enjoy Yourself nådde fyrsteplassen i Storbritannia på UK Albums Chart og vart sertifisert til platina to gonger etter sal på over 600 000 eksemplar. Albumet selde over ein million eksemplar i løpet av dei ti første vekene etter utgjevinga, og nådde grensa for kvadrupelplatina den 1. januar 1990. Albumet nådde niandeplassen i Australia og vart sertifisert til platina for utgjevinga. Albumet har selt over fem millionar eksemplar på verdsbasis.

Albumet nådde òg fyrsteplass i Hongkong og Irland, og nådde Top 10 i Belgia, Danmark, Hellas og Japan. I Nord-Amerika fekk albumet avgrensa promosjon, og nådde ikkje dei fleste albumlistene. Albumet nådde òg sjetteplassen i New Zealand, 16. plassen i Spania den 9. desember 1989 og var på hitlistene for nitti veker. Albumet vart seinare sertifisert gull i landet.

Singlar

Den fyrste singelen «Hand on Your Heart» nådde fyrsteplassen på den britiske hitlista og fjerdeplassen på den australske hitlista. Den andre singelen «Wouldn't Change a Thing» debuterte som andreplassen i Storbritannia. Den tredje singelen, «Never Too Late», vart den åttande singelen av Minogue på rad som hamna på dei britiske hitlistene. Han vart nummer fire og selde over 200 000 eksemplar. Den fjerde singelen «Tears on My Pillow» vart spelt inn for filmen The Delinquents og er ein coverversjon. Songen gjekk inn som andreplassen på hitlista i Storbritannia og nådde fyrsteplass veka etter.

Sporliste

Alle songar er skrivne og produsert av Stock Aitken Waterman, bortsett frå der andre er nemnde.

Nr.	Tittel	Låtskrivar(ar)	Lengd
1.	«Hand on Your Heart»		3:54
2.	«Wouldn't Change a Thing»		3:17
3.	«Never Too Late»		3:24
4.	«Nothing to Lose»		3:27
5.	«Tell Tale Sings»		2:28
6.	«My Secret Heart»		2:42
7.	«I'm Over Dreaming (Over You)»		3:27
8.	«Tears on My Pillow»	Sylvester Bradford, Al Lewis	2:33
9.	«Heaven and Earth»		3:47
10.	«Enjoy Yourself»		3:46

Topplisteplasseringar

Toppliste (1989)	Listeplassering
Australia (ARIA Charts)	9
Belgia (IFPI)	3
Danmark (Tracklisten)	10
Tyskland (Media Control Charts)	33
Hellas (Greek Albums Chart)	2
Irland (Irish Albums Chart)	1
Japan (Oricon)[1]	5
New Zealand (RIANZ)[2]	6
Sveits (Schweizer Hitparade)[3]	13
Sverige (Sverigetopplistan)[4]	33
Storbritannia (UK Albums Chart)	1

Sertifiseringar

Land	Sertifisering	Sal
Australia (ARIA)	Platina	70.000
Storbritannia (BPI)	4× Platina	1.200.000
Frankrike (SNEP)	Gull	100.000
Sveits (IFPI)	Gull	25.000