Erraid

Erraid (skotsk-gælisk Eilean Earraid) er ei tidvassøy i Indre Hebridane i Skottland. Ho ligg vest for Mull (som ho er knytt til ved lågvatn) og søraust for Iona.

Erraid
øy
Land	Skottland
Region	Argyll and Bute
Stad	Atlanterhavet
Høgd	75 m
Areal	1,87 km²
Folketal	6 (2011)[1]
Erraid 56.293055555556°N 6.3666666666667°W / 56.293055555556; -6.3666666666667
Wikimedia Commons: Erraid

Øya får om lag 1000 mm nedbør i året^[2] og 1350 soltimar årleg, noko som gjer ho til ein av dei tørraste og mest solrike stadane på vestkysten av Skottland. Det ligg fleire mindre øyar rundt Erraid, som Eilean Dubh, Eilean nam Muc, Eilean Chalmain, Eilean Ghomain og Eilean na Seamair.^[3]

«Ønskesteinen» nær toppen av Cnoc Mor

Det står ein ubrukt signalstasjon for fyra på Dubh Artach og Skerryvore på øya, og fleire hytter som vart bygd for fyrvaktarane.

Det ligg ein velkjend ankringsplass på vestsida av øya kalla Tinker's Hole^[4]. Han er djup, men smal og ligg mellom Erraid og den vestlegaste av øyane rundt, kalla Eilean Dubh.^[5]

Hyttene bygd av Northern Lighthouse Board kring 1872