Estarar

Estarar (estisk eestlased, tidlegare maarahvas) er ei folkegruppe som talar estisk, eit av dei austersjøfinske språka som mellom anna omfattar finsk. Dei fleste estarar, oppunder éin million, bur i det baltiske landet Estland.

Historie

Estland blei folkesett mot slutten av istida, for om lag ti tusen år sidan då den baltiske issjøen smelta. Me kan ikkje vita kva språk dei første innbyggjarane snakka, men for fem tusen år sidan budde talarar av språk som seinare utvikla seg til estisk i området. Estarane er dermed ei av dei europeiske folkegruppene som har vore lengst busett på éin stad.^[1]