Eto ne ljubov

Eto ne ljubov (russisk: Это не любовь) er eit musikkalbum av det russiske bandet Kino frå 1985. Alle songane er skrive av frontfigur Viktor Tsoj. Den sovjetiske regjeringa gav berre stønad til musikkgrupper dei tykte om, og rock vart generelt lite likt. Kino måtte derfor klare seg utan stønad, og vart lite nemnd i massemedia, som i hovudsak var styrt av regjeringa. Derfor slo berre albumet an i undergrunnsrørsla i dåverande Leningrad, sjølv om albumet var meir popprega enn det førre albumet, Natsjalnik Kamtsjatki. Kino flytta seg litt bort frå mørk postpunk og Joy Division-aktig rock til lettare poprock songar ala The Smiths. Særleg tittelsporet, «Eto ne Ljubov», og «Ukhodi» er som snytt ut or nasa på Morrissey og Johnny Marr. Andre songar som «Ver Mne» hellar meir i retning mot The Cure, medan «Sasja» er meir 60-talsinspirert med sitt baklengskomp.

Eto ne ljubov Studioalbum av Kino
Språk	russisk
Utgjeve	1985
Sjanger	Russisk rock
Lengd	37:50
Selskap	Moroz
Produsent	Aleksej Visjnja
Kino-kronologi
Natsjalnik Kamtsjatki (1984)	Eto ne ljubov	Notsj (1986)

Innhald

1. «Это не любовь» (Eto ne ljubov — Dette er ikkje kjærleik)
2. «Весна» (Vesna — Vår)
3. «Уходи» (Ukhodi — Gå vekk!)
4. «Город» (Gorod — By)
5. «Это — любов» (Eto - ljubov — Dette er kjærleik)
6. «Ты выглядишь так несовременно» (Ty vygljadisj tak nesovremenno — Du ser så umoderne ut)
7. «Я обьявляю свой дом...» (Ja objavljaju svoj dom... — Eg erklærar heimen min...)
8. «Саша» (Sasja)
9. «Верь мне» (Ver mne —Tru meg)
10. «Дети проходных дворов» (Deti prokhodnykh dvorov — Barn av dei opne bakgardane)
11. «Музыка волн» (Muzyka voln — Musikk frå bølgjene)

Medverkande

• Viktor Tsoj - Vokal og gitar
• Jurij Kasparjan - Gitar
• Aleksandr Titov - Bassgitar
• Georgij Gurjanov - Trommer