Everyday av Slade

«Everyday» er ein song av det britiske rockebandet Slade, gjeven ut i 1974 som den andre singelen frå det fjerde studioalbumet deira Old New Borrowed and Blue. Han var skriven av solovokalisten Noddy Holder, bassisten Jim Lea og kona hans Louise Lea (ikkje oppført), og produsert av Chas Chandler. Songen nådde tredjeplassen på den britiske singellista og låg sju veker inne på singellista.^[1] Singelen selde til sølvplate i Storbritannia i april 1974 berre tre dagar etter han kom ut.^[2][3]

Everyday Singel av Slade frå albumet Old New Borrowed and Blue
B-side	Good Time Gals
Utgjeve	29. mars 1974
Sjanger	Rock
Lengd	3:05
Selskap	Polydor
Låtskrivar(ar)	Noddy Holder Jim Lea Louise Lea (ikkje oppført)
Produsent	Chas Chandler
Slade-kronologi
«Merry Xmas Everybody» (1973)	Everyday	«When the Lights Are Out» (1974)

I 2013 vart songen ytta i ein britisk reklamefilm for nettbrettet Nexus 7. Som følgje av dette gjekk songen inn att på den britiske singellista seint i november og nådde 69. plassen som følgje av digital nedlasting.^[1]

Songen var piano-dominert, noko som var ein uvanleg stil for Slade, og bandet visste at dei tok ein risiko.^[4]

B-sida til singelen var «Good Time Gals», som òg kom ut på albumet Old New Borrowed and Blue.^[5] Bandet framførte songen to gonger på musikkshowet Top of The Pops og på Clunk Click.^[6][7] Bandet framførte òg songen på det nederlandske TV-showet TopPop.^[8]

Innhald

7"-singel

1. «Everyday» - 3:05
2. «Good Time Gals» - 3:28

Salslister

Liste (1974)	Plassering
Australia (Kent Music Report)[9]	13
Den austerrikske singellista[10]	13
Den belgiske singellista[11]	22
Den nederlandske singellista[12]	4
Den franske singellista[13]	28
Den tyske singellista[14]	17
Irish Singles Chart[15]	4
Norwegian Singles Chart[16]	3
Den sveitsiske singellista[17]	7
UK Singles Chart[1]	3

Liste (2013)	Plassering
UK Singles Chart	69

Andre versjonar

• I 1992 spelte den finske skodespelaren og songaren Samuli Edelmann inn songen for albumet Yön valot under tittelen «Enkeli». Den finske musikaren Kari Kuivalainen skreiv den finske teksten.
• I 2005 gav det engelske hardrockbandet The Quireboys ut ein versjon av songen som B-side til singelen «Tears in Heaven».^[18]

Medverkande

Slade

• Noddy Holder - solovokal, gitar
• Jim Lea - piano, sologitar, bass, korvokal
• Don Powell - trommer

Andre medverkande

• Chas Chandler - produsent