Eystein Jansen

Eystein Jansen (fødd 28. februar 1953) er ein norsk klimatolog og professor i klimaforsking ved Universitetet i Bergen og Bjerknessenteret (BCCR) i Bergen. Sidan 2022 har han vore visepresident i Det europeiske forskningsrådet (ERC), med særleg ansvar for naturvitskap og teknologi.^[1]

Eystein Jansen
Fødd	28. februar 1953
Nasjonalitet	Noreg
Yrke	geolog, klimatolog, forskar
Institusjonar	Dei sameinte nasjonane Universitetet i Bergen
Alma mater	Universitetet i Bergen
Medlem	Det Norske Videnskaps-Akademi Academia Europaea Norges Tekniske Vitenskapsakademi

Jansen har særleg forska på rekonstruksjon av tidlegare tiders havstraumar og klimaendringar ved hjelp av analyse av utgravde kjerner frå havbotnen. Han tok doktorgrad i maringeologi ved Universitetet i Bergen i 1984, og har publisert over 70 vitskaplege artiklar, av dei er fleire publisert i Nature.

I 2019 fekk han Brøggerprisen for arbeidet med opprettinga av Nasjonallaboratoriet for geologisk massespektrometri i 1983, Bjerknessenteret for klimaforskning i 2000 (der han var direktør i 13 år) og det nye SFF-senteret Centre for Early Sapiens Behaviour (SapienCE) i 2017.^[2]