Fairouzeh

Fairouzeh (arabisk: فيروزه) er ein landsby nær byen Homs. Han ligg 5 km søraust for Homs. På grunn av den urbane utviklinga i området vert Fairouzeh, som den nærliggande Zaydal, i dag rekna som ein forstad til Homs. I 2004 hadde han eit folketal på6 456.^[1] Innbyggjarane er hovudsakleg etniske assyrarar.^[2]

Fairouzeh
فيروزه
landsby
Land	Syria
Guvernement	Homs
Distrikt	Homs
Nahiyah	Homs
Høgd	550 moh.
Koordinatar	34°42′08″N 36°45′32″E
Folketal	6 456  (2004)
Fairouzeh 34.702222222222°N 36.758888888889°E / 34.702222222222; 36.758888888889
Kart som viser Fairouzeh. Kart som viser Fairouzeh.
Wikimedia Commons: Fairouzeh

Etymologi

Opphavleg til namnet «Fairouzeh» er omdiskutert. Mange meiner at det kjem frå ordet fayruz, som tyder «turkis» på syrisk, ein dialekt av arameisk språk som framleis vert nytta av folk i kyrkja si. Den turkise fargen syner til grønfargen i det omliggande landskapet. Andre historikarar meiner at namnet kjem frå Gamletestamentet der det kan vere byen kalla «Berothah» (2. Samuelsboka, 8:8).

Gamle Fairouzeh

Dei fleste innbyggjarane i landsbyen var bønder. Dei fleste eigde nok land til å dyrke kveite, bygg, linser, oliventre og vindruer. Nesten alle familiane heldt sauer, geiter og høner. Dei opphavlege bøndene hadde òg hestar, eslar og kyr.

Vatn fekk dei frå djupe brunnar (18 til 20 meter). Dei to mest kjende brunnane (Jub) var Jub Hamza og Jub Jaaber. Utan desse to brunnane hadde det ikkje vore mogeleg å leve i Fayruzah. Jub Hamza står framleis midt i landsbyen som eit monument for framtidige generasjonar.

St. Elias syrisk-ortodokse kyrkje

Dagens Fairouzeh

Frå slutten av fyrste verdskrigen fram til etter 1960-åra, flytta mange innbyggjarar i Fayruzah til Sør-Amerika og USA, der dei søkte betre levevilkår. I dag bur det samfunn med folk frå Fairouzeh i Los Angeles, Detroit, Jacksonville og Miami.