Filippinane

Republikken Filippinane er ein øynasjon i Søraust-Asia. Landet består av 7 641^[1] øyar og ligg i Stillehavet. Hovudstaden Manila ligg på den største øya, Luzon.

[endre]

Repúbliká ng̃ Pilipinas Republic of the Philippines (norsk: Filippinane, filippinsk)
Flagg Riksvåpen
Nasjonalsong	«Lupang Hinirang»
Motto	Filippinsk: Maka-Diyos, Maka-Tao, Makakalikasan at Makabansa (For kjærleiken til Gud, folk, natur og land)
Offisielle språk	Filipino og engelsk
Hovudstad	Manila
Styresett President	Republikk Rodrigo Duterte
Flatevidd  – Totalt  – Andel vatn	300 000 km² (72.) 0,6 %
Folketal  – Estimert (2017)  – Tettleik	104 256 076 (12.) 347,5 /km² (25.)
Sjølvstende frå USA	4. juli 1946
Nasjonaldag	12. juni
BNP  – Totalt (2015)  – Per innbyggjar	740 800 mill. USD (29.) 7 900 USD (123.)
Valuta	Filippinsk peso
Tidssone	UTC +8
Telefonkode	+63
Toppnivådomene	.ph

Landet var spansk koloni frå 1521 til 1898, og deretter kontrollert av USA til 1946. Dette var etter den filippinsk-amerikanske krigen. Det er saman med Aust-Timor og Sør-Korea eit av dei tre asiatiske landa som har kristendom som dominerande religion. Saman med den amerikanske innverknaden har dette gjort Filippinane til eit av dei mest vestlegorienterte landa i Asia.

Fakta

Folkesetnaden si middellivslengd: 69,3 år Spedbarnsdødelegheit:25 pr. 1000 Religion: Kristendom (romersk-katolsk 83 %, protestantisk 9 %), islam 5 %.

Kart over Filippinane

Klima

Sjølv om Sørkinahavet og Filippinarhavet er varme hav vert likevel Filippinane påverka av den asiatiske monsunen. Medan Mindanao og dei sørlege Filippinane har høge temperaturar året rundt, kan Luzon, inkludert Manila, få noko kjøligare netter frå november til mars. Vinternettene i Luzon går innimellom under 15 °C sjølv ved havnivå. Tyfonar i det nordvestlege Stillehavet råkar ofte øygruppa og gjer at perioden juli til september er den våtaste i løpet av året. Filippane har etter måten tørre forhold om vinteren, men dei austlege og nordlege områda av øygruppa kan få ein del regnbyer. Manilla har ein årleg nedbørsnormal på 2042 mm.