Fiskeslaget kveite

Kveite (Hippoglossus hippoglossus), på Austlandet ofte kalla hellefisk, er ein flyndreart som held til i det nordlege Atlanterhavet. Han er ein av dei største flatfiskane me kjenner til; hoene kan bli opptil 300 kg, og over 3,5 meter lange. Hannane blir berre 50 kg. Fisken vert mykje nytta til mat.

Denne artikkelen handlar om fiskeslaget kveite. For kornslaget, sjå kveite.

Kveite
Kveite
Status
Status i verda: Nær truga Status i Noreg: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Orden:	Flyndrefisk Pleuronectiformes
Familie:	Flyndrefamilien Pleuronectidae
Slekt:	Hippoglossus
Art:	Kveite H. hippoglossus
Vitskapleg namn
Hippoglossus hippoglossus Linnaeus, 1758

I Nord-Noreg har det frå gamalt av vore knytt eit namnetabu til namnet «kveite». Ein skulle ikkje nemna det mens ein var på havet, elles slo fisket feil. I staden sa ein «gudsfisken».

Færøysk frimerke med bilde av kveite.

Namn

Namnet «hellefisk» har opphav i nemninga heilag fisk eller helgefisk. I katolsk tid vart kveita eten i helger, når det var forbode å ete kjøt.^[2] Ordet «kveite» er avleidd av «kvit» – kveita er kvit på undersida.^[3]