Fjordselva

Fjordselva (også kalla Storelva og Fjordsdalselva) er ei elv i Gulen kommune i Vestland. Ho har utspring på sørvesthellinga av Svadfjellet (878 moh.) like ved fylkesgrensa til Hordaland. Ho renn derfrå mot sørvest, deretter vest, og passerer gjennom Askarvatnet og Husevatnet. Frå Husevatnet snur elva mot nord og renn ned i Fjordsdalen, der ho renn saman med mange sideelver, der dei største er Duelva frå Duvedalen og Kvernhuselva frå Storelivatnet. Elva munnar ut ved Instefjord inst i Risnefjorden. Fjordselva er 12,1 km lang, med eit nedbørfelt på 32,4 km².^[1] Middelvassføringen ved munningen er 4,32 m³/s.^[1]

Fjordselva
Storelva, Fjordsdalselva
elv
Land	Noreg
Fylke	Vestland
Kommune	Gulen
Nedslagsfelt	32,4 km²
Sideelvar	Duelva, Kvernhuselva
Lengd	12,1 km
Middelvassføring	4,32 m³/s
Kjelde	Svadfjellet
Munning	Risnefjorden ved Instefjord
Fjordselva 60.98666667°N 5.48305556°E / 60.98666667; 5.48305556

Europaveg 39 går parallelt med elva frå Husevatnet til Risnefjorden.

Fiske

I likskap med andre vassdrag i området vart fiskebestandane i Fjordselva negativt påverka av sur nedbør, spesielt i dei høgareliggjande delane av nedbørfeltet. Her vart det på 1970- og 1980-talet registrert reduserte bestandar, og i fleire vatn vart bestanden av aure heilt utrydda. I lågareliggjande dele av vassdraget var tilhøva betre, men òg her redusert.^[2] Undersøkingar i seinare år har likevel vist ei betring av tilhøva.^[3][4]