Flygande teppe

Eit flygande teppe, også kalla magisk og svevande teppe på norsk, er eit magisk transportmiddel kjend frå eventyr og annan fantastisk litteratur. Det er eit teppe, som regel eit orientalsk teppe, som kan flyge.

«Det flygande teppet» av russaren Viktor Vasnetsov. Måleri frå 1880.

Flygande teppe er særleg knytt til arabisk og persisk kultur. Dei vart kjende i Vesten gjennom Tusen og ei natt.^[1] Etterkvart blei dei ein del av ikonografien til orientalsk-inspirerte verk.^[2]