Focus con Proby

Focus con Proby er det sjuande studioalbumet av det nederlandske rockebandet Focus, gjeve ut i 1977 på EMI Records. Det inneheld fem spor med vokal frå den amerikanske songaren P.J. Proby. Andre musikarar på plata er gitaristane Eef Albers og Philip Catherine, trommeslagaren Steve Smith, i tillegg til to Focus-medlemmar frå tidlegare album.

Focus con Proby Studioalbum av Focus
Utgjeve	Desember 1977
Innspelt	1977
Sjanger	Progressiv rock instrumental rock jazzfusion
Lengd	48:07
Selskap	EMI
Produsent	Yde De Jong
Focus-kronologi
Ship of Memories (1976)	Focus con Proby	Focus (1985)

Meldingar
Karakter
Kjelde	Karakter
Allmusic	[1]

Mottaking

I ei middels melding i Richmond Review skreiv Bob Beech at han føretrekte dei instrumentale spora føre songane med vokal. Han meinte at røysta til Proby var meir dempa enn på dei tidlegare innspelingane hans, som han føretrekte, men meinte dette ikkje passa inn på eit Focus-album.^[2] Brian Brennan skreiv i Calgary Herald at medan Albers var ein «dugande musikar» så levde han ikkje opp til standarden til den tidlegare Focus-gitaristen Jan Akkerman. Han meinte albumet bestod av «uklåre instrumentalar, utan mål, holt og lite inviterande».^[3]

Innhald

Side ein

Nr.	Tittel	Låtskrivar(ar)	Lengd
1.	«Wingless»	Roselie van Leer, Thijs van Leer	5:35
2.	«Orion»	Eef Albers	4:08
3.	«Night Flight»	Albers	3:40
4.	«Eddy»	R. van Leer, T. van Leer	5:54
5.	«Sneezing Bull»	Philip Catherine	4:27

Side to

Nr.	Tittel	Låtskrivar(ar)	Lengd
1.	«Brother»	R. van Leer, T. van Leer	5:19
2.	«Tokyo Rose»	R. van Leer	5:08
3.	«Maximum»	Bert Ruiter, T. van Leer	8:40
4.	«How Long»	R. van Leer, T. van Leer	5:16

Medverkande

Musikarar

• Thijs van Leer – hammondorgel, piano, elektrisk piano, mellotron, synthesiser, fløyte
• Bert Ruiter – bassgitar
• Steve Smith – trommer
• Philip Catherine – akustisk gitar, sologitar, rytmegitar
• Eef Albers – sologitar, rytmegitar
• P.J. Proby – vokal på «Wingless», «Eddy», «Brother», «Tokyo Rose» og «How Long»

Produksjon

• Yde de Jong – produsent