Fred Morrison

Fred Morrison (fødd i 1963) er ein skotsk musikar og komponist.^[1][2][3][4] Han var fødd i Bishopton i Renfrewshire. Han har opptredd profesjonelt med skotsk sekkepipe, skotsk lita sekkepipe, border-sekkepipe, Northumbria-sekkepipe og uilleann-sekkepipe og med blekkfløyta low whistle.^[3][5]

Fred Morrison
Fødd	1963 (62 år)
Fødestad	Bishopton
Opphav	Skottland
Instrument	sekkepipe, Uilleann pipes, low whistle
Verka som	musikar

Morrison har vunne Macallan/MacCrimmon-trofé på Lorient-festivalen ti gonger, ein rekord.^{[1][6] [7]} I tillegg til å verka som solosekkepipespelar, har han spelt med band som Clan Alba og Capercaillie. Albuma hans har fått gode kritikkar.^[1][8][9]

I 2004 blei han vald til Årets instrumentalist i Scots Trad Music Awards.^[10] Han har elles vunne ei rekkje andre prisar for solospel av skotsk sekkepipe.

Morrison har laga melodiar som er utbreidde blant solo- og folkemusikkspelarar. Nokre av dei er «Passing Places», sett saman av ein livleg hornpipe og ein sakte low whistle-air inspirert av togturar som Morrison gjorde over heile Storbritannia, «Living Uist», «The Lochaber Badger» og strathspeyen «Seonaidh's Tune», som han skreiv for sonen sin.

Morrison er òg grunnleggaren og designaren av Fred Morrison Pipes,^[11] eit merke som produserer skotsk sekkepipe, bordersekkepipe og skotsk lita sekkepipe.

Diskografi

Soloalbum

• The Broken Chanter (1993)
• The Sound of the Sun (2000)
• Outlands (2009)

Fred Morrison og Jamie McMenemy

• Up South (2003) ^[9]

Fred Morrison Trio

• Live at the Glasgow Royal Concert Hall (2015)

Ulike artistar med Fred Morrison

• Celtic Colours (1998)
• Piping Up (2000)