Frederikshavn

Frederikshavn er ein by og tidlegare kjøpstad på Jylland i Danmark med 23 309 (2013) innbyggarar.^[1] Frederikshavn ligg ved Kattegat på austkysten av Vendsyssel. Tidlegare Frederikshavn kommune hadde i 2004 34 416 innbyggarar. Etter kommunalreformen 2007 er tidlegare Sæby kommune innlemma i den nye Frederikshavn kommune. Den høyrer til Region Nordjylland.

Frederikshavn
Utsikt over Frederikshavn Foto: Tomasz Sienicki Utsikt over Frederikshavn Foto: Tomasz Sienicki
Byvåpen
Land Region Kommune	Danmark Region Nordjylland Frederikshavn kommune
Innbyggjarar  • By (2013)	23 309
Koordinatar	57°26′24″N 10°32′12″E
Høgd	8 m
Tidssone - Ved sommartid	UTC+01:00, UTC+2 (UTC) UTC+2 (UTC)
Nettstad: Kommunal heimeside

Frederikshavn ligg i eit morenelandskap som vart skapt av innlandsisen i siste istid for om lag 14 000 år sidan. Byen heitte tidlegare Fladstrand før den vart kalla opp etter kong Fredrik VI. Frederikshavn fekk kjøpstadsrettar i 1818.^[2]

Næringslivet i Frederikshavn har tradisjonelt vore basert på fiskeri og hamneverksemd. I dag er byen ein av Danmarks største ferjebyer med samband til Oslo og Göteborg. Byen har også eit større sjukehus, marinebase og tekniske skular tilknytte maritime fag.