Fridtjof Frank Gundersen

Fridtjof Frank Gundersen (29. oktober 1934–11. november 2011) var ein norsk politikar, jusprofessor, forfattar og stortingsmann frå Tynset i Hedmark. Han vart ofte omtala som «fri og frank».

Fridtjof Frank Gundersen
Fødd	29. oktober 1934 Tynset kommune
Død	11. november 2011 (77 år)
Statsborgar av	Noreg
Parti	Høgre (1970-åra; 1980-åra), partilaus (1981; 1990), Framstegspartiet (1990; 2001), Fylkeslistene ved stortingsvalet i 2001 (2001; 2001)
Yrke	politikar, professor
Institusjonar	Universitetet i Oslo
Utdanna ved	Universitetet i Oslo
Ektefelle	Mosse Piene
Alle verv	stortingsrepresentant (1981–1985) medlem av Europarådets parlamentarikerforsamling (1989–1994) stortingsrepresentant (1989–1993) stortingsrepresentant (1993–1997) stortingsrepresentant (1997–2001) stortingsrepresentant (2001–2001)

Karriere

Gundersen studerte jus ved universitetet i Oslo, der han vart cand. jur i 1961, fullførte doktorgrad i 1973 og endeleg vart utnemnd til professor i rettsvitskap ved Norges Handelshøyskole i Bergen i 1975. Han var tilknytt NHH sidan, og fekk tittelen professor II i 2002. Dei viktigaste forskingsarbeida hans er gjort innan rettssystemet i EU. Gundersen vart vald inn på Stortinget som 10. representant for Akershus i perioden 1981-1985. Han var partilaus, men var innmeldt på programmet til Framstegspartiet. Etter å ha falle ut av Stortinget ein periode, vart han innvald att i 1989, og melde seg inn i Framstegspartiet året etter. Han vart sitjande på tinget fram til 2001, og hadde også plass i Utanrikskomitéen.

I 2001 meldte Gundersen seg ut av Framstegspartiet og forsøkte å starta si eiga valliste saman med andre FrP-utbrytarar. Gundersen ville kalla lista for Det Liberale Folkepartiet, men ho fekk til slutt namnet Oslolista. Då Gundersen ikkje nådde opp i dette valet, trekte han seg attende frå aktiv politikk.

Han har også sete som formann og seinare æresmedlem i parlamentarikarforeininga til den vesteuropeiske unionen. Fridtjof Frank Gundersen døydde i 2011 etter lang tids sjukdom.^[1]

Nokre verk

• Ny solidaritet, 1966
• Introduksjon til EEC. Rettslige og politiske spørsmål, 1968
• Multinasjonale konserner og kontrollen med dem, 1970
• EEC-håndboken, 2 bd., 1971
• Kontrollen med karteller og storbedrifter, 1972
• Hovedlinjer i avtaleretten, 1977
• Hovedlinjer i forvaltningsretten, 1978 (4. utg. 1994)
• Fri og frank på Tinget, 1985
• EF-boken, 1989
• Lov og rett for næringslivet, 1989 (3. utg. 1997)
• Innføring i EØS og EF-rett, 1992