Fuiay

Fuiay (skotsk-gælisk Fùidheigh) er ei øy i Ytre Hebridane i Skottland. Ho har eit areal på 84 hektar og det høgaste punktet på øya ligg 107 meter over havet. Øya ligg like vest for Flodday og om lag 1,5 km sørvest for Hellisay. Barra ligg på andre sida av North Bay.

Fuiay Lokalt namn Fùidheigh
Geografi
Stad	Atlanterhavet
Koordinatar	57.0°N 7.37°W / 57.0; -7.37
Øygruppe	Ytre Hebridane
Areal	0,84 km²
Høgaste punkt	107 moh.
Administrasjon
Land	Skottland
Region	Ytre Hebridane
Demografi
Folketal	0

Det budde tidlegare seks familiar på øya, men ho har stått utan innbyggjarar sidan om lag 1850. Det finst ei tidvassbukt ved øya som kan ha vore ei effektiv fiskefelle.^[1][2]

Namnet kan kome frå norrønt for «husøya»^[3] eller kanskje ei blanding av det gæliske bhuidhe, som tyder «gul» og det norrøne øy.^[1]

Fuiay er ei av fleire folketomme øyar på nordaustsida av Barra og andre øyar i nærleiken som Orosay, Fuday og Gighay. I nordvest ligg det mange holmar og skjer.