Fukuoka

Fukuoka er ein storby i Japan, hovudstad i eit prefektur med namn etter byen.^[2] Byen ligg ved Hakatabukta på nordvestkysten av Kyushu-øya og har 1 639 832 ibuarar (2023).^[2] I storbyomrpådet kring Fukuoka bur det 5,11 millionar menneske.^[2]

Fukuoka
by
Land	Japan
Areal	340 030 000 km²
Folketal	1 603 043 (1. september 2020)[1]
Fukuoka 33.59°N 130.40166666667°E / 33.59; 130.40166666667
Wikimedia Commons: Fukuoka, Fukuoka

Fukuoka er den største byen på Kyushu og den femte mest folkerike i Japan.^[2] Nest etter Yokohama er han den største hamnebyen i landet, der det vert utskipa kol, maskinar, porselen, papirvarer, trevarer og mjøl.^[2] Næringslivet i byen omfattar kjemisk, grafisk, elektronisk, næringsmiddel-, tekstil-, papir-, bomulls- og metallindustri.^[2] Fukuoka er elles eit regionalt kultur- og handelssenter med universitet, fleire høgskular, museum og kulturattraksjonar.^[2]

I bydelen Hakata er ei internasjonal lufthamn, jarnbanestasjon med høghastigheitstog og hamn for hydrofoilbåt som går til Busan i Sør-Korea.^[2]