Gareth Southgate

Gareth Southgate (fødd 3. september 1970) er ein engelsk fotballtrenar og tidligare -spelar som var landslagssjef for det engelske herrelandslaget i fotball frå september 2016 til 2024 . Han var 1990-206 etter tur aktiv spelar i klubbane Crystal Palace FC, Aston Villa og Middlesbrough FC.

Gareth Southgate
OBE

Southgate i 2023
Personleg informasjon
Fullt namn	Gareth Southgate[1]
Fødselsdato	3. september 1970 (55 år)[2]
Fødestad	Watford
Høgd	6 fot 0 tommar (1,83 m)[3]
Posisjon	Forsvars, midtbane
Ungdomsklubbar
	Southampton
	Crystal Palace
Seniorkarriere*
År	Lag	Kampar	(Mål)
1988–1995	Crystal Palace	152	(15)
1995–2001	Aston Villa	191	(7)
2001–2006	Middlesbrough	160	(4)
Totalt		503	(26)
Landslag
1995–2004	England	57	(2)
Trenar for
2006–2009	Middlesbrough
2013–2016	England U21
2016–2024	England
* Seniorklubbkampar og mål berre telt for nasjonal liga

Spelar

Klubbspel

Southgate spelte seg til fast plass i Crystal Palace FC i 1991. Frå sommaren 1995 gjorde han teneste i Aston Villa i seks sesongar. Med laget frå Birmingham vann han ligacupen i 1996 og spelte FA-cupfinale mot Chelsea FC i 2000. Han avslutta si aktive karriere med spel for Middlesbrough i 2001-05. Med dette laget vann han i 2004 ligacupen for andre gong. 10. mai 2006 var han kaptein for det Middlesbrough-mannskapet som tapte UEFA-cupfinalen 0-4 mot Sevilla FC. Fire veker seinare fekk han jobben som sjef for Middlesbrough-laget.

Landslagsspel

I tida frå desember 1995 til mai 2004 deltok Southgate i 57 av Englands landskampar. Han var fast på laget under EM i fotball 1996 på heimebane. I semifinalen mot Tyskland mislukkast han som eksekutør i staffeskytinga då dei to laga stod likt etter 120 minutts spel. Der og då slokna det engelske laget sin finaledraum. Sidan spelte han to kampar ved Fotball-VM 1998 og ein kamp ved Fotball-EM 2000. Under verdsmeisterskapen 2002 sleit han reservebenken heile vegen. Southgate skåra 2 landslagsmål.

Merittar

• Vinnar av den engelske ligacupen: 1996 med Aston Villa og 2004 Middlesbrough FC
• Finalist i FA-cupen: 2000 med Aston Villa
• Finalist i UEFA-cupen: 2006 med Middlesbrough FC

Trenar

Southgate var lagsjef for Middlesbrough fram til oktober 2009. Perioden 2013-16 var han landslagssjef for Englands U-21 landslag. Sidan juni 2016 har han vore landslagssjef for England. Han leia landslaget til semifinale i Fotball-VM 2018, og til finalen i så vel EM 2021 som EM 2024.