Geir Ugland Jacobsen

Geir Harald Ugland Jacobsen (f. 1957 ) er ein norsk siviløkonom og politikar frå Oslo. Han er frå mai 2021 partileiar for Noregsdemokratane.

Geir Ugland Jacobsen
Fødd	1957 (68 år)
Statsborgar av	Noreg
Parti	Framstegspartiet (1982; 2020), Demokratane (2021)
Yrke	siviløkonom, politikar, forretningsdrivande

Jakobsen har bakgrunn frå næringslivet. Han har tidlegare vore politikar for Framstegspartiet (Frp) og var vald i ei kampvotering som fylkesleiar i Oslo Frp frå februar 2020. Desember 2020 vart han kasta som fylkesleiar og ekskludert som partimedlem av sentralstyret i Frp, medan fylkeslaget vart sett under administrasjon.^[1] Medan han var fylkesleiar markerte han seg som forkjempar for at Frp skulle gå i meir nasjonalkonservativ retning og kom med utsegner som sette posisjonane til Siv Jensen som partileiar og førstekandidat i Oslo i tvil.^[2]

Den 18. januar 2021 vart han ny fylkesleiar for Demokratane i Oslo. Jakobsen har uttalt at det truleg blir eit namnebytte på partiet, som del av ein omstart.^[3] Nokre av kjernesakene til partiet vil ifølgje han vere motstand mot overnasjonal styring, vern om ytringsfridommen og reduksjon i offentleg pengebruk.^[4]