Gelsenkirchen

Gelsenkirchen er ein by i delstaten Nordrhein-Westfalen i Tyskland. Byen ligg i Ruhrområdet ved elva Emscher.

Gelsenkirchen
by
Våpenskjold
Land	Tyskland
Stat	Nordrhein-Westfalen
Region	Münster
Landkreis	Kreisfri by
Høgd	60 m
Areal	104,94 km²
Folketal	265 885 (31. desember 2023)
Postnummer	45801-45899
Retningsnummer	0209
Bilnummer	GE
Gelsenkirchen 51.516666666667°N 7.1°E / 51.516666666667; 7.1
Wikimedia Commons: Gelsenkirchen

Gelsenkirchen vart første gong omtala skriftlege kjelder i 1150, men byen var ein liten landsby fram til 1800-talet. Den industrielle revolusjonen førte til stor økonomisk vekst i heile området. I 1840, då ein byrja å utvinna kol, budde det 6000 innbyggjarar i Gelsenkirchen. I 1900 hadde folketalet stege til 138 000.

Byen sin kolindustri synte seg å vera viktig for Tyskland under andre verdskrigen og for utviklinga av oljeindustri fram til i dag. For å kunne vera sjølvforsynt med olje, vart det før krigen starta oljeproduksjon basert på kol. Dette var starten på oljeselskapet Veba Öl AG, som mellom anna forsynte bensinstasjonane til føretaket Aral. I 2001 vart Veba Öl seld til oljeselskapet BP.

Fotballklubben FC Schalke 04 er frå Gelsenkirchen. Schalke si heimebane, Veltins-Arena, vert rekna for å vera eit av dei mest nyskapande stadionanlegga som er bygd dei siste åra.

Utsyn over byen.