Getafe

Getafe er ein by sør i storbyområdet til Madrid i Spania og ein av dei mest folkerike og industrialiserte byane i kommunen. I byen ligg ein av dei eldste spanske militære flybasane, samt Universidad Carlos III de Madrid. Her ligg òg Cerro de los Ángeles som vert rekna som det geografiske midtpunktet på Den iberiske halvøya.^[1] Byen ligg 13 km sør for sentrum i Madrid.^[2] Han ligg på eit flatt område i Meseta Central i nedslagsfeltet til elva Manzanares.

Getafe
by
Flagg Våpenskjold
Land	Spania
Region	Madrid
Høgd	622 m
Areal	78,74 km²
Folketal	189 906 (2024)
Grunnlagd	1326
Postnummer	28901–28909
Retningsnummer	916
Getafe 40.3°N 3.7166666666667°W / 40.3; -3.7166666666667
Wikimedia Commons: Getafe

Plasseringa nær Madrid gjorde at Getafe vart kraftig industrialisert på 1900-talet. Dette førte til ein folkeauke og byen har i dag i underkant av 200 000 innbyggjarar.

Historie

Stikk av Getafe frå 1800-talet.

Historia til Getafe kan delast inn i tre perioadar. Den første perioden varte frå førhistorisk tid til 1326 då det fanst forskjellige siviliasjonar og landsbyar i området, sjølv om Getafe sjølv ikkje eksisterte som ein kommune. Den andre perioden varte frå 1300-talet til 1900-talet då Getafe vart ein liten by som sakte utvikla seg. Den tredje perioden starta på 1900-talet og held fram framleis. Getafe har då endra seg frå ein liten jordbruksby til ein stor industriby med stor auke innan handel, industri, folketal og storleiken på byen.^[3]