Giorgio Gomelsky

Giorgio Gomelsky (28. februar 1934–13. januar 2016) var ein georgiskfødd filmskapar, impresario, musikkmanager, låtskrivar (som Oscar Rasputin) og plateprodusent. Han var fødd i Georgia, voks opp i Sveits, og budde seinare i Storbritannia og USA.

Giorgio Gomelsky
Fødd	28. februar 1934 (91 år)
Fødestad	Tbilisi
Død	13. januar 2016
Dødsstad	New York by
Opphav	Georgia
Aktiv	Midten av 1950-åra til i dag
Tilknytte artistar	The Rolling Stones, The Paramounts, The Yardbirds, Magma, Blossom Toes, Julie Driscoll, Gong, Soft Machine, Material
Plateselskap	Marmalade Records, BYG Records
Verka som	Musikkmanager, plateprodusent

Gomelsky var eigaren av Crawdaddy Club i London der The Rolling Stones var husband, og var involvert i styret av bandet i starten. Han leigde inn The Yardbirds som erstattar for Rolling Stones og var manager for dei. Han var òg produsenten deira frå byrjinga til 1966. I 1967 starta han Marmalade Records (distribuert av Polydor), som hadde i stallen Julie Driscoll, Brian Auger and The Trinity, The Blossom Toes, og tidlege innspelingar av Graham Gouldman, Kevin Godley og Lol Creme, som vart 10cc. Selskapet la ned i 1969. Gomelsky var òg viktig i karrierane til The Soft Machine, Daevid Allen og Gong, Magma og Material.

Giorgio Gomelsky busette seg seinare i New York by, der han døydde.

Produksjonsarbeid

• Dei første demoane til The Soft Machine vart spelt inn av Giorgio.
• Flying Teapot og Angel's Egg (begge 1973) av Gong vart produsert av Giorgio.
• På Aphrodite's Child sitt 666 er han omtalt som «passing by».^[1]
• Hypothesis og The Dragon (1971) av Vangelis (uferdig, gjeve ut i 1978)^[1]