Google

Google (NASDAQ: GOOG) er eit amerikansk multinasjonalt dataselskap som driv fleire tenester på internett, som reklamering, teknologi, søkjetenester, skylagring og andre programvarar. Selskapet er mest kjend for sin populære søkjemotor, Google Søk. Google er verdas største søkjemotor med over 200 millionar søk kvar dag.

Google
Org.form	Aksjeselskap
Bransje	Internett, IKT
Skipa	7. september 1998
Morselskap	Alphabet
Dotterselskap	AdMob, DoubleClick, On2 Technologies, Picnik, Zagat, Waze, Blogger, Boston Dynamics, Bump, Google X, Google.org, Postini, Google Ads
Eigenandel i	Google Fonts, Knowledge Graph, Google Oversetter, Blogger, AdSense, Google Bøker, Google Ads, iGoogle, Vevo, Google Scholar, Google Images, Google Groups, Google Gears, Metaweb, On2 Technologies, BigQuery, Google Maps, Google News, Google Earth, Google+, YouTube
Hovudkontor	Mountain View i California i USA
Land	USA
Produkt	Google Søk, Software tools, Google Voice, Google Ads, Google Pay, nettbasert søkjemotor, Google Maps, Gmail
Grunnleggjar(ar)	Sergey Brin, Larry Page
Styreleiar	Eric E. Schmidt
Adm.dir.	Sundar Pichai
Tilsette	24 400 (2010)
Nettstad	https://about.google/ (engelsk)

Google er i dag eit dotterselskap av Alphabet Inc, som blei oppretta i 2015.

Namnet «Google» kjem frå det matematiske talordet for 10¹⁰⁰, googol.

Historie

Google blei grunnlagt i 1996 av Larry Page og Sergey Brin som eit forsøksprosjekt mens dei studerte til Ph.D. ved Stanford University, i Stanford i California.^[1] Dei begynte då å utvikla ein søkjemotor kalla BackRub, som opererte på Stanford i eit år.^[2][3]

15. september 1997 blei Google.com registrert som eit domene, og det blei eit registrert selskap 4 september 1998.

I 2011 passerte Google ein milliard unike brukarar, som var ei auking på over 8 % frå mai i 2010.^[4]

Tenester

Google står til dømes bak tenestene Google Earth, Gmail og Google Images. Dei har òg laga mobiltelefonar, Google Pixel, og mange ulike smart-heim utstyr.^[5]