Grefsen kyrkje

Grefsen kyrkje er ei langkyrkje i Oslo kommune som vart innvigd rett før krigen, den 3. mars 1940. Den funkisprega kyrkja er oppført i teglstein som er slemma og kalkmalt utvendig.

Innvendig sett mot altaret i Grefsen kyrkje

Foto: Hans A. Rosbach

Grefsen kyrkje
kyrkje
Foto: Hans A. Rosbach
Kyrkjesamfunn	Den norske kyrkja
Bispedøme	Oslo
Prosti	Vestre Aker
Sokn	Grefsen
Fellesråd	Oslo
Type	Langkyrkje
Arkitekt	Georg Greve
Teknikk	Mur
Material	Teglstein
Innvigd	3. mars 1940
Klokker	O. Olsen & Søn
Kyrkjegard	Mellom kyrkja og kapellet
Preikestol	R. Tønsaker
Altartavle	Nonfigurativ glasmosaikk av Oddmund Kristiansen
Sitjeplassar	600
Diverse	Glasmåleri av Bernhard Greve (arkitektens bror) i veggen mellom våpenhuset og kyrkjesalen. Maleriet «Den niende time» av Olav Foss ved sidealtar.
Grefsen kyrkje 59.95422111°N 10.77926694°E / 59.95422111; 10.77926694
Wikimedia Commons: Grefsen kirke

Mykje av interiøret stammar frå tida då kyrkja blei oppført. Mellom våpenhuset og kyrkjerommet er det ein glasveg med stjerneforma glasmåleri. Dei er utforma av Bernhard Greve og viser scener frå Det gamle testamentet. I 1967-68 blei koret noko endra av arkitekt Rolf Tønsager, og ein fekk ny preikestol og altar. Det blei også sett inn eit abstrakt glasmåleri av Oddmund Kristiansen i dalleglas og betong.

Kyrkjegarden på naboeigedomen vart teken i bruk før kyrkja vart oppført. Dette er ein av dei største kyrkjegardane i Oslo, og det står eit gravkapell frå 1904, teikna av Harald Bødtker, heilt i vest. 64 tyske krigsgraver vart flytta herfrå til Alfaset gravlund i 1953.