Gullauge

Gullauge er ein potetsort som spesielt er dyrka i Nord-Noreg og Island.

Gullaugepoteter

Han er rekna som ein gourmetpotet. Gullauge er ein smaksrik, mjølen potet med mddels fast struktur. Kjøttfargen er sterk gul. Knollane er oftast små.

Opphavet er ukjend; truleg kom han til Nord-Noreg med svenske rallarar rundt førre hundreårsskifte.

Gullauge er svært svak mot tørråte.

Beskytta opphavsnemning

«Gulløye fra Nord-Norge» er beskytta opphavsnemning for Gullauge dyrka i Noreg nord for polarsirkelen.