Gunn Olsen

Gunn Olsen (fødd 18. september 1952 i Kragerø, død 27. desember 2013) var ein norsk politikar frå Arbeidarpartiet. Ho var vararepresentant til Stortinget i perioden 1993–1997, og sat som fast stortingsrepresentant frå Telemark frå 1997. Olsen vart attvald i 2009, men tidleg i perioden måtte ho trekkje seg fordi ho var vorten alvorleg sjuk. Ho døydde av kreft 61 år gamal i 2013.^[1][2][3]

Gunn Olsen
Fødd	18. september 1952
Død	27. desember 2013 (61 år)
Statsborgar av	Noreg
Parti	Arbeidarpartiet
Yrke	politikar
Alle verv	stortingsrepresentant (1997–2001) vararepresentant til Stortinget (1985–1989) vararepresentant til Stortinget (1989–1993) stortingsrepresentant (2001–2005) stortingsrepresentant (2005–2009) stortingsrepresentant (2009–2013)

Gunn Olsen gjekk ut av Kragerø Handelsskole i 1969, og arbeidde deretter som kontorfullmektig i 21 år, fram til 1990. Ho hadde styreverv i mellom anna Kragerø Elektrisitetsverk og Sannidal og Skåtøy Sparebank. Olsen hadde ei lang lokalpolitisk forankring, ho var medlem av fylkestinget frå 1983 og var fylkesvaraordførar i Telemark i åra 1990–1995.

Stortingskomitear

• 2009–2013 medlem i Familie- og kulturkomiteen.
• 2005–2009 medlem i Helse- og omsorgskomiteen.
• 2005–2009 medlem i Valkomiteen.
• 2005–2009 medlem i Fullmaktskomiteen.
• 2001–2005 medlem i Sosialkomiteen.
• 1997–2001 medlem i Samferdselskomiteen.