Gustav Leonhardt

Gustav Leonhardt (30. mai 1928–16. januar 2012), var ein nederlandsk cembalist, organist og pianist. Han kunne også spela klavikord og klaviorganum.

Gustav Leonhardt
Fødd	30. mai 1928
Fødestad	's-Graveland, Nederland
Død	16. januar 2012 (83 år)
Dødsstad	Amsterdam
Opphav	Kongeriket Nederlanda
Aktiv	1950–2012
Sjanger	klassisk musikk
Instrument	orgel, cembalo
Plateselskap	Virgin Veritas, Philips Records, Teldec, Sony Classical, Alpha
Verka som	dirigent, organist, cembalist, korleder, musikkforskar, universitetslærar, pianist, komponist
Gift med	Marie Leonhardt
Prisar	Erasmusprisen, Zilveren Anjer, Bach Medal, honorary doctorate of the University of Metz

Gustav Leonhardt opptrer i Brugge.

Biografi

Gustav Leonhardt studerte orgel og cembalo ved Schola Cantorum Basiliensis i Basel i Sveits frå 1947 til 1950. Vidare studerte han musikkologi i Wien frå 1950, og han vart professor i cembalo både ved musikkakademiet i Wien og i Amsterdam i 1950-åra. På denne tida starta han å spela inn Johann Sebastian Bach sine cembalo-komposisjonar, t.d. Goldberg-variasjonane og Die Kunst der Fuge. Han skipa også barokkensemblet Leonhardt-Consort, som han sjølv var leiar for. Ein av medlemmene i ensemblet var kona hans, Marie Leonhardt.

Frå 1971 samarbeidde Leonhardt saman med cellisten Nikolaus Harnoncourt med å spela inn heile den komplette fyrste syklusen med Bach-kantater. Prosjektet varte i 20 år, dei vart ferdige i 1990. Leonhardt har også spelt Mozart samt renessansekomponisten William Byrd på ulike tangentinstrument. Han hadde i tillegg mange cembaloelevar; ein av dei er norske Ketil Haugsand.

Leonhardt opptredde for siste gong den 12. desember 2011 i Paris. Etter dette sleit han med dårleg helse, og måtte kansellera alle speleoppdrag i 2012. Han døydde i Amsterdam, 83 år gamal.

Kjelder

• Denne artikkelen byggjer på «Gustav Leonhardt» frå Wikipedia på engelsk, den 19. januar 2011.