Gypsy Roadhog

«Gypsy Roadhog» er ein song av det britiske rockebandet Slade, gjeven ut i 1977 som den einaste singelen frå det syttande studioalbumet deira, Whatever Happened to Slade. Han var skriven av solovokalisten Noddy Holder og bassisten Jim Lea, og produsert av Chas Chandler. Singelen nådde 48. plassen på den britiske singellista.^[1]

Gypsy Roadhog Singel av Slade frå albumet Whatever Happened to Slade
B-side	Forest Full of Needles
Utgjeve	21. januar 1977
Sjanger	Glamrock, hardrock
Lengd	3:20
Selskap	Barn
Låtskrivar(ar)	Noddy Holder, Jim Lea
Produsent	Chas Chandler
Slade-kronologi
«Nobody's Fool» (1976)	Gypsy Roadhog	«Burning in the Heat of Love» (1977)

Etter at dei hadde framført songen på barne-TV-showet Blue Peter kom det klagar på teksten i songen, og BBC fjerna songen frå spelelista si.^[2] Songen nådde dermed ikkje høgare enn 48. plassen på singellista og låg berre to veker inne på lista. Då Whatever Happened to Slade kom ut i mars gjekk det ikkje inn på albumlista i det heile.^[3]

Songen handlar om ein kokainlangar i Amerika, men var i følgje Holder ein anti-dop-song.^[4] Singelen var den første til Slade som kom ut på Barn, eit selskap eigd av manageren deira, Chas Chandler.^[5] B-sida til singelen var «Forest Full of Needles», som var eksklusiv for singelen og som seinare kom ut på samleplata B-Sides i 2007.

Bandet framførte songen på Top of the Pops, Supersonic og Blue Peter.

Innhald

7"-singel

1. «Gypsy Roadhog» - 3:20
2. «Forest Full of Needles» - 3:30

Salslister

Liste (1977)	Plassering
UK Singles Chart[1]	48

Medverkande

Slade

• Noddy Holder - solovokal, rytmegitar
• Dave Hill - sologitar, korvokal
• Jim Lea - bass, korvokal
• Don Powell - trommer

Andre medverkande

• Chas Chandler - produsent