Haka

Haka er ein seremoniell dans i maorikulturen. Dansen vert framført av ei gruppe dansarar, og nyttast for å visa byrgskap, styrke og samhald.^[1] Haka vert ofte sett på som ein krigsdans som skal gjera mannlege krigarar klåre til strid, men haka har vorte dansa av både kvinner og menn.^[2]

For kroppsdelen, sjå hake.

Eit måleri av ein haka-dans, måla av Joseph Jenner Merrett i ca. 1845.

Kjenneteikn

Rytmisk tramping med bein og tromming på kroppen, framspring av tunge og felles brøling kjenneteiknar haka-dans.^[1]

Framvising

Det finst ulike variantar av haka, som vert nytta i ulike samanhengar. Æresgjestar kan ynskjast velkomen med ein variant av haka.^[3] Haka-dans kan elles verta framført ved viktige hendingar, sportslege eller festlege høve, eller dansast i samband med gravferder.^[2][4]

Haka i rugby

Det newzealandske herrelandslaget i rugby union – òg kjent som All Blacks – har gjort dansen internasjonalt kjend, då laget alltid dansar ein variant av haka føre kvar kamp. Mange av dei newzealandske rugbyspelarane er sjølv maoriar.