Halvor Persson

Halvor Persson (fødd 11. mars 1966) er ein norsk, tidlegare skihoppar som representerte Bærums Skiklubb. Seinare har han vore skileiar, mellom anna i det internasjonale skiforbundet (FIS).

Halvor Persson
Statsborgarskap	Noreg
Fødd	11. mars 1966 (59 år)
Idrett	skihopping

Karriere

Han debuterte i verdscupen med 8. plass i normalbakken i Thunder Bay 8. desember 1984. Ein månad seinare oppnådde han si beste plassering i verdscupen med 2. plass i Cortina d'Ampezzo 8. januar 1985. I ei svært jamn tevling kom han 0,2 poeng bak landsmannen Roger Ruud, men 0,7 poeng føre tredjemann. Samanlagd i verdscupen vart han som best nummer 17, i den same sesongen 1984-85. Han var på det norske firemannslaget som i Innsbruck vart nummer 7 av 13 lag i laghoppinga under Ski-VM 1985.

Persson vann NM-sølv i normalbakken i Bardu i 1985, bak suverene Per Bergerud. Fire år seinare kom han på bronseplassen i normalbakken i Vikersund, bak noregsmeisteren Jon Inge Kjørum og Magne Johansen. Under NM 1991 tok han sølvmedalje med Akershus i laghoppinga.

Hans siste verdscuprenn var på Raufoss 17. mars 1990, og han la opp året etter.

Besteplasseringar i internasjonale renn

• 1985: Nr 2 i Cortina d'Ampezzo
• 1986: Nr 11 i Lahti
• 1988: Nr 14 i Meldal
• 1989/90: Nr 25 i Sapporo

Medaljar og besteplasseringar i noregsmeisterskap

• Ski-NM 1985: Sølvmedalje i normalbakken i Bardu
• Ski-NM 1986: Nr 5 i normalbakken i Vang
• Ski-NM 1987: Nr 8 i normalbakken i Sprova
• Ski-NM 1988: Nr 7 i storbakken på Rena
• Ski-NM 1989: Bronsemedalje i normalbakken i Vikersund
• Ski-NM 1990: Nr 4 i normalbakken på Fluberg
• Ski-NM 1991: Nr 8 i normalbakken på Rognan

Kjelder

• Sportsboken, aktuelle årgangar

Bakgrunnsstoff

• Halvor Persson i fis-ski.com