Hard to Handle

«Hard to Handle» er ein song gjeven ut i 1968 som først vart spelt inn av Otis Redding og skriven av Redding, Al Bell og Allen Jones. Han vart gjeven ut etter Reddind døydde i 1967 på albumet The Immortal Otis Redding. Versjonen til Redding nådde 38. plassen på Billboard R&B-lista og 51. plassen på poplista.

Hard to Handle Singel av The Black Crowes frå albumet Shake Your Money Maker
Språk	engelsk
Utgjeve	1990
Innspelt	1989
Sjanger	hardrock, bluesrock
Lengd	3:08
Selskap	Def American
Låtskrivar(ar)	Allen Jones, Al Bell og Otis Redding
Produsent	George Drakoulias
The Black Crowes-kronologi
«Jealous Again» (1990)	Hard to Handle	«Twice As Hard» (1990)

Hard to Handle Song av Otis Redding frå albumet The Immortal Otis Redding
Utgjeve	Juni 1968
Innspelt	1967
Sjanger	Soul
Lengd	2:17
Selskap	Atco
Låtskrivar(ar)	Allen Jones, Al Bell og Otis Redding
Produsent	Steve Cropper

Andre versjonar

Songen har sidan blitt spelt inn av mange artistar, inkludert Patti Drew (truleg den første coverversjoenn i 1968), King Floyd, the Rustix, Liquid Smoke, Grateful Dead, The Black Crowes, Tom Jones, Toots & the Maytals, Rustix, Band from TV, Harpers Bizarre, Gov't Mule, Tony Joe White, Magic Slim and the Teardrops, New Riders of the Purple Sage, Matt Giraud, Etta James og Snafu i tillegg til Mae West i filmen Myra Breckinridge.

«Hard to Handle» vart ofte spelt på konsertane til Grateful Dead frå 1969 til 1971, sungen av Ron «Pigpen» McKernan. Songen vart òg mykje nytta i filmen The Commitments.

Lemon Jelly-songen «Rock» inneheld samplignar av «Hard to Handle». Reggaeartisten Capleton nytta ein del av songen i sin eigen «Wings of the Mourning» i 1992 for Def Jam. Masta Ace sampla basslinja i songen for «Four Minus Three», ein song på debutalbumet hans, Take a Look Around. Hip-hop-produsenten Marley Marl sampla den fem notar lange introen for songen hans «The Symphony» på albumet In Control, Volume 1 i 1988. Denne vart nytta om att i 1992 på Wreckx-N-Effect-songen «Hard» og i 1999 på Snoop Dogg-songen «Ghetto Symphony» frå albumet No Limit Top Dogg. Rapperen Frankie Cutlass nytta òg denne introen i songen sin «The Cypher Pt III» frå albumet Politics & Bullshit i 1997.

The Black Crowes-versjonen

Den kanskje mest kjende coverversjonen er av The Black Crowes, som fekk gjennombrotet sitt med singelen i 1990, henta frå debutalbumet Shake Your Money Maker. Denne versjonen nådde toppen av Billboard Album Rock Tracks-lista og 26. plass på Billboard Hot 100.