Harlow

Harlow er ein by og eit administrativt distrikt i Essex i England. Han oppstod ved at landsbyane Harlow, Great Parndon, Latton, Little Parndom og Netteswell vart slått saman etter andre verdskrigen, styrt av ein plan laga av sir Frederick Gibberd i 1947.

Harlow
by
Harlow Water Gardens. Foto: Steve Cadman
Land	England
Region	Essex
Distrikt	Harlow
Areal	30,54 km²
Folketal	82 059 (2011)[1]
Harlow 51.783333333333°N 0.11666666666667°E / 51.783333333333; 0.11666666666667
Wikimedia Commons: Harlow

Han er kjent for å ha det eldste fotgjengarområdet i England i sentrum, og den første høgblokka i landet, The Lawn frå 1951, som no er rekna som bevaringsverdig (Grade II). Mange av bygningane som vart reist på 1950-talet er renovert etter at betongen byrja å slå sprekkar, og det har vore mykje fornying i sentrum.

Det er planar om å utvide byen kraftig ved å byggje innover i det grøne beltet.

Harlow Town FC spelar i Isthmian Leagues førstedivisjon.

Ein har funne steinøkser frå omkring 6000 f.Kr ved Parndon, og eit romersk mosaikkgolv i Temple Meads. Namnet Harlow kjem frå saksisk here («hær») og hlaw («ås»), noko som tyder på at det var ein samlingsstad for ei saksisk stamme.

Venskapsbyar

• Stavanger