Harold Pinter

Harold Pinter (10. oktober 1930–24. desember 2008) var ein britisk forfattar (dramatikar), regissør og skodespelar.

Harold Pinter
Pseudonym	David Baron
Statsborgarskap	Storbritannia
Fødd	10. oktober 1930 London
Død	24. desember 2008 (78 år) London
Yrke	skodespelforfattar, skodespelar, filmregissør, manusforfattar, skribent, sceneinstruktør, lyrikar, romanforfattar, regissør
Medlem av	Serbias vitenskaps- og kunstakademi, Akademie der Künste Berlin, American Academy of Arts and Sciences, American Academy of Arts and Letters, Royal Society of Literature
Religion	ateisme
Far	Jack Haim Pinter
Mor	Frances Moskowitz
Ektefelle	Vivien Merchant, Antonia Fraser
Born	Daniel Brand
Harold Pinter på Commons

Nobelprisen i litteratur
2005

Pinter skreiv kring tretti skodespel, tjue filmmanus, og var ansvarleg for oppsettinga av om lag 30 teaterstykke. Mellom dei mest kjende teaterstykka er The Birthday Party, The Dumb Waiter (Stumtjenaren), The Caretaker, The Homecoming og Betrayal.

Dramatikken til Pinter handlar ofte om kommunikasjon eller fråvær av kommunikasjon i mellommenneskelege relasjonar. Tilhøvet mellom kvinner og menn er eit vanleg tema, og ofte tilhøvet mellom menn. Pinter har vorte tolka innan feministisk forsking, som for eksempel i Pinter's Female Portraits (Elizabeth Sakellaridou, 1988).

Pinter var mellom anna tildelt Shakespeare Prize (Hamburg), European Prize for Literature (Wien), Moliere D'Honneur for Lifetime Achievement og i 2005 Nobelprisen i litteratur.

Bakgrunnsstoff

• Offisiell nettstad
• Nobelprisen i litteratur 2005