Hat-trick

Hat-trick eller hat trick er eit uttrykk frå engelsk som i Noreg og fleire andre land vert nytta i somme idrettskonkurransar for noko som ein av deltakarane lukkast med tre gongar, som til dømes å score mål tre gongar i den same fotball- eller ishockeykampen.

Hat i dette uttrykket er hovudplagget hatt. Opphavet til uttrykket er ei hending i og etter ein cricketkamp i England i 1858.^[1]