Hello Young Lovers av Sparks

Hello Young Lovers er det 20. studioalbumet til Sparks. Det var eit framhald av den repetitive orkesterstilen deira frå det forrige albumet Lil' Beethoven, men med mykje meir vekt på gitar og trommer. Det er eit konseptalbum som omhandlar sider ved moderne kjærleik.

Hello Young Lovers Studioalbum av Sparks
Utgjeve	6. februar 2006
Studio	Sparks Studios, Los Angeles, California
Sjanger	Kunstpop kunstrock kammerpop
Lengd	50:39
Selskap	In The Red Recordings (USA), Gut (Storbritannia)
Produsent	Ron Mael, Russell Mael
Sparks-kronologi
Lil' Beethoven (2002)	Hello Young Lovers	Exotic Creatures of the Deep (2008)
Singlar frå Hello Young Lovers
«Perfume» med «(Baby, Baby) Can I Invade Your Country (Alternative Verse)» Utgjeve: 13. februar 2006 «Dick Around» / «Waterproof» Utgjeve: 18. september 2006

Meldingar
Karakter
Kjelde	Karakter
Allmusic	[1]
BBC	Positiv[2]
Dusted Reviews	Negativ[3]
Pitchfork Media	(6.9/10)[4]
Play Louder	[5]
Slant Magazine	[6]
Stylus Magazine	B+[7]

Utgjeving

Hello Young Lovers selte betre enn noko anna Sparks-album sidan 1970-åra og det nådde 66. plassen på UK Album Chart.^[8] Albumet gjekk ikkje inn på albumlista i USA. Albumet kom ut på CD og på både kvit og rosa vinyl. CD-plata kom opphavleg ut på Gut Records, og sidan på In The Red records.

Det vart gjeve ut to singlar og ein EP for å marknadsføre albumet. Den første, «Perfume», kom i lag med ein alternativ versjon av «(Baby, Baby) Can I Invade Your Country» og ein remiks av Clor. Denne nådde 80. plassen på UK Singles Chart^[8] og 10. plassen på UK Independent Singles Chart.

«Dick Around» kom ut som ein EP i USA og som ein dobbel A-side-singel med «Waterproof» i Storbritannia. Begge versjonane inneheldt ein redigert versjon av «Dick Around» og den amerikanske versjonen inneheldt konsertopptak spelte inn tidlegare det året i Los Angeles. Den britiske utgåva av albumet vart bannlyst av BBC, som rekna tittelen på songen som obskøn. Sparks gav ut ei melding som sa: «BBC har offisielt teke livet av den nye singelen vår, 'Dick Around', tilsynelatande gjennom ganske barnslege innvendingar mot tittelen, ein uskuldig referanse til eit dagdrivar-liv. At eit musikkstykke kan fordømmast utelukkande etter tittelen utan at 'avgjerdstakarane' i det heile er anstendige nok til å opna CD-etuiet, er ein farse og ei fornærming mot både oss som skaparar av musikken og mot lyttarane til BBC.»^[9] Til slutt gav BBC London ut ei melding som sa at songen var teken inn i rotasjonen att.^[9] Singelen nådde 139. plassen i Storbritannia.^[10]

Innhald

Nr.	Tittel	Låtskrivar(ar)	Lengd
1.	«Dick Around»		6:35
2.	«Perfume»		4:59
3.	«The Very Next Fight»		5:18
4.	«(Baby, Baby) Can I Invade Your Country»	Ron og Russell Mael, Francis Scott Key (ekstra tekst)	5:56
5.	«Rock, Rock, Rock»		5:10
6.	«Metaphor»		4:03
7.	«Waterproof»		4:17
8.	«Here Kitty»		4:26
9.	«There's No Such Thing as Aliens»		2:53
10.	«As I Sit Down to Play The Organ at the Notre Dame Cathedral»		7:02

Alle spor skrivne av Ron Mael og Russell Mael, utanom der andre er nemnde

Medverkande

• Ron Mael - klaverinstrument, orkestrering og produsent
• Russell Mael - vokal, lydteknikar og produsent
• John Thomas - miksing og ekstra lydteknikar
• Tammy Glover - trommer
• Dean Menta - gitar
• Jim Wilson - ekstra gitar
• Steven Shane McDonald- ekstra bass

Salslister

Album

Land	Plassering
Sverigetopplistan [11]	48
U.K. Albums Chart[8]	66

Perfume (singel)

Liste (2006)	Plassering
U.K. Singles Chart[8]	80
U.K. Indie Singles Chart	10