Hepatocytt

Hepatocyttar er epitelseller som dannar hovudvevet i levra. Hepatocyttar har ein unik sellepolaritet. På den eine sida av sellekroppen kjem hepatocyttar i kontakt med blod ved hjelp av sinusoidblodårer og kan ta opp frå og skilja ut stoff til blodet. På hi sida av sellekroppen er dei i kontakt med kanalar der dei kan skilja ut galle.^[1][2][3] Hepatocyttar kan lagra glykogen og feittsyrer.^[4][5] I hepatocyttar er konsentrasjonen av glukose i jamvekt med konsentrasjonen på utsida av sella grunna den høge kapasiteten til glukosetransportøren GLUT2.^[6]

Hepatocytt og sinusoidblodåre frå rotte

Hepatocyttar kan vera polyploide. Opp til 90 % av musehepatocyttar og kring 50 % av menneskehepatocyttar er polyploide.^[7]