Here, There and Everywhere

«Here, There og Everywhere» er ein song av The Beatles på albumet «Revolver» frå 1966. Han er hovudsakleg skriven av Paul McCartney, men tilskriven Lennon/McCartney. I sin sjølvbiografi har McCartney omtalt songen som ein av sine personlege favorittar, medan produsent George Martin har kalla han ein av sine favorittsongar av Paul McCartney.

Here, There and Everywhere Song av The Beatles frå albumet Revolver
Utgjeve	5. august 1966
Innspelt	14. juni 1966, EMI Studios
Sjanger	Softrock,[1] pop[2]
Lengd	2:25
Selskap	Parlophone
Komponist	Paul McCartney, John Lennon
Tekstforfattar	Paul McCartney, John Lennon
Låtskrivar(ar)	Lennon–McCartney
Produsent	George Martin

Songen har ein bittersøt melodi med harmoniar og lett arrangement. Den lystige melodien står i kontrast til den meir mollstemte brua.

Medverkande

• Paul McCartney – bass, solovokal, rytmegitar, knipsing
• John Lennon – korvokal, knipsing
• George Harrison – sologitar, korvokal, knipsing
• Ringo Starr – trommer, knipsing
• George Martin – plateprodusent
• Geoff Emerick – lydteknikar

Personell per Ian MacDonald^[3]

Andre versjonar

Mange artistar har spelt sine eigne utgåver av songen. Av desse finn ein Bobbie Gentry, Emmylou Harris, Jose Feliciano (instrumental), Celine Dion, George Benson, Perry Como og Sissel Kyrkjebø. Øystein Sunde spelte inn ei utgåve med tekst omsett til norsk kalla «Her, der og stikkelsbær» frå 1001 Fnatt i 1970.