Hirbnafsah

Hirbnafsah (arabisk حر بنفسه, òg skrive Harb Nafseh eller Harbanafsa) er ein by nordvest i Syria i Hama guvernement, sørvest for Hama. Av stader i nærleiken finn ein Deir al-Fardis i nord, Tumin og al-Rastan i aust, Kisin og Kafr Nan i sør, Talaf i sørvest. I følgje Statistisk sentralbyrå i Syria (CBS), hadde Hirbnafsah eit folketal på 3 574 i 2004. Han er det administrative senteret og den sjette største staden i Hirbnafsah nahiyah («underdistrikt») som består av 26 stader med eit samla folketal på 54 592.^[1] Innbyggjarane er hovudsakleg sunnimuslimar.^[2]

Hirbnafsah
Harb Nafseh, حر بنفسه
by
Land	Syria
Guvernement	Hama
Distrikt	Hama
Nahiyah	Hirbnafsah
Koordinatar	34°56′14″N 36°37′18″E
Folketal	3 574  (2004)
Hirbnafsah 34.93722222°N 36.62166667°E / 34.93722222; 36.62166667
Kart som viser Hirbnafsah. Kart som viser Hirbnafsah.

Den syriske geografen Yaqut al-Hamawi nemnte at Hirbnafsah var «ein landsby under Hims» då han vitja i 1225 under styret til Ajjubide-dynastiet.^[3]

Under den syriske borgarkrigen, som byrja i 2011, hevda opposisjonen at 40 menneske i Hirbnafsa vart drepne etter at den syriske hæren og pro-statleg militssoldatar bomba landsbyen den 6. august 2012. Andre opposisjonskjelder gav talet til å vere 11, inkludert fem barn.^[4]