Holger Hott

Holger Hott, opphavleg Holger Hott Johansen, (fødd 8. april 1974) er ein norsk sivilingeniør og tidlegare orienteringsløpar. Han vann VM-gull i stafett i 2005 og på mellomdistansen i 2006.

Holger Hott
Statsborgarskap	Noreg
Fødd	8. april 1974 (51 år) Noreg
Idrett	orientering

Hott Johansen vann verdscupen i orientering 2004. Same sesongen tok han bronsemedaljen på normal-distansen i VM 2004. Under verdsmeisterskapen i Japan i 2005 kopierte han prestasjonen på normal-distansen, før han så opna for Noregs lag som vann stafetten. Øystein Kristiansen og Jørgen Rostrup tok seg av dei andre etappane. I august 2006 vart han verdsmeister på mellomdistansen då VM vart avvikla ved Århus.

Hott vart noregsmeister fem gongar, i tillegg fekk han med seg fem NM-gull i stafett. Individuelt sanka han tolv NM-medaljar.

I 1999 var Hott Johansen med å vinne Jukola-stafetten for Bækkelaget SK og i 2001 Tiomila. Sidan bidrog han til at Kristiansand OK gjekk til topps i Tiomila 2008 og 2009, og i Jukola i 2009.

Medaljar og plasseringar i verdsmeisterskap

• VM 2003: Nr 8 på klassisk-distansen
• VM 2004: Bronsemedalje på klassisk-distansen
• VM 2005: Bronsemedalje på klassisk-distansen, gull i stafett
• VM 2006: Gullmedalje på mellomdistansen
• VM 2007: Nr 4 i stafett

Kjelder

• Denne artikkelen bygger på «Holger Hott Johansen» frå Wikipedia på bokmål, den 8. juli 2023.