Hornos-øya

Hornos-øya (spansk Isla Hornos) er ei lita chilensk øy. Ho er den sørlegaste av Hermite-øyane, heilt sør i øygruppa Eldlandet. Øya er mest kjend for sørspissen; Kapp Horn. Øyane ligg administrativt i provinsen Antártica Chilena i Región de Magallanes y de Antártica Chilena. Ein tenkjer ofte på Hornos-øya som den sørlegaste øya i Sør-Amerika, men Diego Ramírez-øyane ligg lengre sør.

Isla Hornos
øy
Utsyn mot Kapp Horn frå ein annan del av øya.
Land	Chile
Region	Región de Magallanes y de Antártica Chilena
Stad	Drakesundet
Høgaste punkt
•  høgd	425 moh.
Areal	12 km²
Folketal	5 (2019)[1]
Hornos-øya 55.947222°S 67.270833°W / -55.947222; -67.270833
Wikimedia Commons: Cape Horn

På øya har Chile ein marinestasjon som består av nokre få driftsbygningar, eit kapell og eit fyrtårn. På øya står også ei minnestøtte med eit stort albatross-symbol, til minne om dei som døydde medan dei prøvde å runda Kapp Horn. Øya ligg i Cabo de Hornos nasjonalpark.