Hugla

Hugla (og skrive Hugløy) er ei øy på kysten av Helgeland. Ho ligg i Nesna kommune. Øya er 17,9 km² og det høgaste punktet er Hugltinden som ligg 624 meter over havet. Det er ein relativt stor bestand av elg på øya, og også eit rikt fugleliv med blant anna havørn.

Hugla
Nordenden av øya sett frå aust.
Geografi
Stad	Helgeland
Koordinatar	66°11′14″N 12°55′03″E
Areal	17,9 km²
Høgaste punkt	Hugltinden (624 moh.)
Administrasjon
Land	Noreg
Fylke	Nordland
Demografi
Folketal	90
Folketettleik	5,0 /km²

Hugla ligg der Stifjorden møter Ranfjorden. I sørvest ligg øya Løkta i Dønna kommune, i nordaust ligg Handnesøya og i nordvest Tomma.

Øya har om lag 90 fastbuande, busettinga er konsentrert langs austsida av øya. Den viktigaste næringsvegen er jordbruk, men mange dagpendlar òg inn til tettstaden Nesna. Tidlegare var det òg stor sysselsetting ved sildoljefabrikken på Vikholmen. I dag driv Vikholmen utvikling AS (VuAS) produksjon av torskeyngel og settefisk.

Det er ferjesamband til Nesna og øyane Handnesøya og Tomma.

Postnummeret er 8720 Vikholmen.

Bakgrunnsstoff

• Hugla i Norske Gaardnavne.