Kaposi-sarkom-assosiert herpesvirus

Kaposi-sarkom-assosiert herpesvirus (KSHV) eller menneskeherpesvirus 8 (HHV-8) er eit gammaherpesvirus i slekta rhadinovirus som kan infisera menneske. Det kan valda sjukdomar som Kaposi-sarkom, særskilt hjå homoseksuelle AIDS-pasientar og organmottakarar, multisentrisk Castleman-sjukdom og primært effusjonslymfom.^[1][2]

Kaposi-sarkom-assosiert herpesvirus
Kaposi-sarkom-assosiert herpesvirus
Systematikk
Rike:	Heunggongvirae
Rekkje:	Peploviricota
Klasse:	Herviviricetes
Orden:	Herpesvirales
Familie:	Herpesvirus Herpesviridae
Underfamilie:	Gammaherpesvirus Gammaherpesvirinae
Slekt:	Rhadinovirus
Art:	Kaposi-sarkom-assosiert herpesvirus H. herpesvirus
Vitskapleg namn
Human herpesvirus 8

KSHV har eit genom på mellom 160 og 175 kilobasar. Det kodar for minst 86 protein, 12 mikro-RNA og fleire ikkje-kodande og komplementære RNA-molekyl. Etter inngang i ei vertsselle, ved vedverande infeksjon, vil DNA-molekylet verta sirkelforma og opphalda seg i sellekjernen som eit miniatyrkromosom, i fleire kopiar. Desse kopiane vil knyta til seg histon-molekyl og kan regulerast epigenetisk.^[3][4]