Hypnose

Hypnose (frå gresk hypnos, 'søvn')^[1] er ein tilstand som omfattar fokusert merksemd^[2] på eitt eller nokre få mål, redusert medvit for omverda og forsterka kapasitet til å reagera på suggesjon.^[3] Tilstanden kan også vera prega av mental avslapping, redusert vurdering, monitorering og sensurering, ei endring i opplevinga av tid og stad, og endra sjølvoppleving og ein kan oppleva eigne responsar som automatiske.^[4]

Hypnose
Jean-Martin Charcot demonstrerer hypnose i Salpêtrière.
Klassifikasjonar og ressursar
MeSH	D006990
MeSH	D006990

«Hypnotisk seanse» av Richard Bergh, 1887

Hypnotisering (å driva ein person inn i ein hypnose) vert brukt i hypnoterapi. I Noreg la straffeloven av 1902 § 364, fram til 1. oktober 2015 ned forbod mot å praktisera det å hypnotisera for dei som ikkje var leger eller psykologar.^[5] Straffeloven 2005 har ikkje noko slikt forbod.