I'm Working on a Building

«I'm Working on a Building» er ein song frå både negro spiritual og southern gospel-tradisjonen. Songen har blitt ein gospelstandard og er blitt spelt inn mange gonger, av artistar som The Carter Family,^[1] Bill Monroe,^[2] Elvis Presley,^[3] Oak Ridge Boys,^[3] B.B. King,^[4] og John Fogerty.^[5]

Historie

Ein versjon av songen er tilskriven Lillian Bowles og Winifred O'Hoyle,^[3] men songen har eksistert som tradisjonell folkevise lenge før det, truleg med opphav som ein negro spiritual. Ein tidleg versjon av songen vart trykt i boka Old Songs Hymnal av Dorothy G. Bolton frå 1929. Det er sagt at songen har ei calypsokjensle, noko som har ført til spekulasjonar om songen kan kome frå Florida eller Karibia.^[6]

Songen vart knytt til Southern gospel-musikk då The Carter Family spelte inn songen i 1934 for Bluebird Records. Denne versjonen er oppført med A.P. Carter som opphavsrett. Bill Monroe, som grunnla bluegrass, spelte ofte songen. Ein trur at Carter sin versjon var basert på ein mykje eldre versjon av folkloristen John Wesley Work III og seinare utgjeve i samlinga American Negro Songs and Spirituals i 1940.^[7][8]

Blues-legenda B.B. King lærte seg først songen som ung gatemmusikant og spelte ofte songen tidleg i karrieren sin.^[9] John Fogerty spelte inn songen for det første soloprosjektet sitt, The Blue Ridge Rangers.^[5]

Versjonar

• Desember 1934: The Carter Family
• 1953: Brother Joe May med The Sallie Martin Singers
• 1954: Bill Monroe and His Bluegrass Boys
• 1959: B.B. King
• 1960: Elvis Presley med The Jordanaires
• 1961: The Stanley Brothers
• 1968: The Country Gentlemen
• 1973: The Blue Ridge Rangers
• 1974: The Seldom Scene
• 1977: The Ridgerunners
• 1988: Cowboy Junkies
• 1992: Marley's Ghost
• 1997: Old & In the Way
• 2002: Kent Lundberg & One Way Brothers
• 2002: Buddy Greene
• 2005: Charlie Daniels
• 2008: Dan Zanes and Friends
• 2009: Patty Loveless