IPhone 4

iPhone 4 er ein smarttelefon som var utvikla og marknadsført av Apple Inc. Han er den fjerde generasjonen iPhone,^[1] oppfølgjaren til iPhone 3GS og forgjengaren til iPhone 4S. Telefonen vart annonsert 7. juni 2010 under Worldwide Developers Conference i San Francisco og utgjeven 24. juni 2010 i USA, Storbritannia, Frankrike, Tyskland og Japan. iPhone 4 introduserte ein ny design til iPhone-serien, som den administrerande direktøren i Apple, Steve Jobs, hevda var den tynnaste smarttelefonen i verda på den tida. Telefonen bestod av ei innfatning i rustfritt stål som fungerte som antenne, med dei internekomponentane lokalisert mellom to panel av glas i aluminiumsilikat.^[2]

IPhone 4
iPhone 4 i svart
Produsent	Apple
Lansert	24. juni 2010; 15 år sidan (2010-06-24)
Operativsystem	iOS
Minne	512 MB LPDDR-DRAM
Lagring	8, 16 eller 32 GB
Batteri	3,7 V, 5,3 W·h (1420 mA·h) Lithium-ion-batteri
Storleik	Høgd: 115,2 mm Breidd: 58,6 mm Djupn: 9,3 mm
Vekt	137 g

iPhone 4 introduserte skjermen «Retina Display» med ein pikseltettleik på 326 pikslar per tomme, medan han vidareførte storleiken og skjermtilhøvet frå forgjengarane, Apple A4-prosessoren og iOS 4, som la til multitasking og FaceTime for videosamtalar. Han var den første iPhonen med eit kamera på framsida.