I Won't Back Down

«I Won't Back Down» er ein song av Tom Petty og den første singelen frå det første soloalbumet hans, Full Moon Fever i 1989. Songen vart skriven av Petty og Jeff Lynne og nådde 12. plassen på Billboard Hot 100 og toppa Album Rock Tracks-lista i fem veker.

I Won't Back Down Singel av Tom Petty frå albumet Full Moon Fever
B-side	«The Apartment Song», «Don't Treat Me Like a Stranger» (12" og CD)
Utgjeve	April 1989
Innspelt	1988
Sjanger	Heartland rock
Lengd	2:59
Selskap	MCA
Låtskrivar(ar)	Tom Petty Jeff Lynne
Produsent	Jeff Lynne Tom Petty Mike Campbell
Tom Petty-kronologi
«All Mixed Up» (1987)	I Won't Back Down	«Runnin' Down a Dream» (1989)

Bakgrunn og låtskriving

Petty snakka om innspelinga av songen i Mojo: «På innspelinga song George Harrison og spelte gitar. Eg var frykteleg forkjølt den dagen, og George drog til ein butikk og kjøpte ingefærrot til meg, som han kokte opp og eg måtte stikke hovudet over kjelen slik at ingefæren opna opp biholene mine. Så gjekk eg inn i studio og song songen.»^[1]

Innhald

Teksten inneheld ei melding om å stå opp mot styrkar som gjer det vanskeleg for ein, eller kanskje undertrykking:

Well I know what's right, I got just one life

in a world that keeps on pushin' me around

but I'll stand my ground, and I won't back down

På grunn av temaet i songen vart songen ofte spelt på amerikansk radio etter terroråtaka 11. september 2001.^[2] Petty og the Heartbreakers spelte ein roleg, men fast versjon av songen på fjernsynssendinga America: A Tribute to Heroes etter åtaka i 2001.^[2][3]

I dokumentarfilmen Runnin' Down a Dream frå 2007, sa Petty at han følte noko nøling med å gje ut songen, på grunn av den tydelege bodskapen.^[4]

Musikkvideo

Musikkvideoen vart regissert av David Leland, og filma 22. og 23. mars på ein scene i Pinewood Studios og gjeve ut 24. april 1989. Traveling Wilburys-kollegaene George Harrison og Jeff Lynne er med i videoen i lag med Mike Campbell og Ringo Starr.^[5] Ein kan sjå Starr spele trommer i videoen, men på den faktiske lydinnspelinga er det Phil Jones som spelar trommer.

Likskap til Sam Smith sin «Stay with Me»

I januar 2015 kom det fram at forlaget til Petty kontakta forlaget til Sam Smith om songen «Stay with Me» på grunn av likskapar mellom dei to songane. Det kom til ei semje der Petty og Jeff Lynne vart tekne med som låtskrivarar og fekk 12,5% av honraret for songen.^[6]

Medverkande

• Tom Petty – song- og korvokal, akustisk gitar
• Mike Campbell – solo- og slidegitar
• George Harrison – akustisk gitar, korvokal
• Jeff Lynne – bassgitar, korvokal
• Howie Epstein – korvokal
• Phil Jones – trommer, perkusjon

Lister

Liste (1989)	Plassering
Kanadiske RPM Top Singles	5
Tyskland	66
New Zealand	49
UK Singles Chart	28
US Billboard Hot 100	12
US Billboard Album Rock Tracks	1
US Billboard Modern Rock Tracks	29
US Cash Box Top 100 Singles	11

Utgjevingar

• Full Moon Fever (1989)
• Greatest Hits (1993)
• Playback (1995)
• Anthology: Through the Years (2000)
• America: A Tribute to Heroes (2001)
• The Live Anthology (2009)
• Mojo Tour 2010 (2010) - konsertversjon
• Barnyard (2006)

Songen er òg nedlastbar for videospelet Rock Band 2

Andre versjonar

• Something for Kate
• Johnny Cash – American III: Solitary Man (2000)
• Edgewater - Lifter (2001)
• Holly Nelson - Leaving the Yard (2003)
• Cumberland Gap - Circle the Wagons (2004)
• Sam Elliott - Barnyard: The Original Party Animals (2006)
• Pearl Jam – Live at the Gorge 05/06 (2007)
• Mem Shannon - Live: A Night at Tipitina's (2007)
• MercyMe - iTunes Originals (2008)
• Dawn Landes – Fireproof (2008)
• Switchfoot (2008)
• Reel Big Fish - Fame, Fortune and Fornication (2009)
• Booka Shade vs Plastic Operator - «Night Falls/Won't Back Down» (2009)
• John O'Callaghan (2010)
• Tyler Hilton (2010)
• Ryan Star - The America EP (2012)
• Benjamin Francis Leftwich - i Grey's Anatomy sesong 9(2012)
• Bon Jovi - under Have a Nice Day-turneen. (2005-2006)
• Dale Ann Bradley - Covered the song for her «Don't Turn Your Back» CD. (2009)
• Trashy And The Kid - «Exactly the Wrong Idea» (2014)