In the Evening

«In the Evening» er ein song av det engelske rockebandet Led Zeppelin på albumet deira In Through the Out Door frå 1979. Songen har ein synthesizer-driven lyd med ein stor gitar.

In the Evening Song av Led Zeppelin frå albumet In Through the Out Door
Utgjeve	15. august 1979
Innspelt	November-desember 1978
Sjanger	Hardrock
Lengd	6:49
Selskap	Swan Song
Komponist	Jimmy Page
Tekstforfattar	Jimmy Page
Låtskrivar(ar)	Jones/Page/Plant
Produsent	Jimmy Page

Oversyn

Songen inneheld ein lang gitarintroduksjon av Jimmy Page på gitar. Page nytta ein Gizmotron for å skape ein burduneffekt.^[1]

Under konsertane deira i 1979 og 1980 nytta Page fiolinboge med ei laserstråle, som medverka til dei visuelle effektane. John Paul Jones spelte basspedelar i staden for bassgitar, sidan han spelte synthesizer samstundes.

Store delar av songen vart skriven av John Paul Jones. Då han og bandet spelte inn albumet, møtte ofte ikkje Page og trommeslagar John Bonham opp i studio før seint på kvelden og arbeidde gjennom natta. Utan desse to starta «In the Evening» med trommer og klaverinstrument av Jones, som hadde ein ny trommemaskin å arbeide med.

Songen vart spela på konsertane til Led Zeppelin i 1979 og 1980. Eit konsertopptak frå Knebworth-festivalen i 1979 finst på Led Zeppelin DVD.

Plant spela songen på turneen sin etter Now and Zen i 1988. I 1996 vart songen spela på somme av konsertane til Page and Plant.

Medverkande

• Robert Plant - vokal
• Jimmy Page - gitarar
• John Paul Jones - bassgitar, klaverinstrument
• John Bonham - trommer

Andre versjonar

• 1989: Twice Shy (The Song Retains the Name)
• 1997: Jason Bonham Band (In the Name of My Father - The Zepset)
• 2005: Sly and Robbie (The Rhythm Remains the Same: Sly & Robbie Greets Led Zeppelin)
• 2005: Tracy G (Hip Hop Tribute to Led Zeppelin)