Inchkeith

Inchkeith (skotsk-gælisk Innis Cheith) er ei øy i Firth of Forth i Skottland i regionen Fife.

Inchkeith Lokalt namn Innis Cheith
Geografi
Inchkeith ()
Stad	Firth of Forth
Koordinatar	56°N 3.1°W / 56; -3.1
Øygruppe	Øyane i Firth of Forth
Areal	0,2 km²
Høgaste punkt	60 moh.
Administrasjon
Land	Skottland
Region	Fife

Inchkeith har hatt ei fargerik historie på grunn av plasseringa nær Edinburgh. Det står eit fyr på øya og det vart bygd festningsverk for å forsvare Edinburgh og seinare Forth Road Bridge og Rosyth Dockyard.

Inchkeith frå Portobello i Edinburgh.

Historie

På slutten av 1400-talet vart øya (i lag med naboøya Inchgarvie) nytta som isolat for folk med syfilis i Edinburgh.^[1] Seinare vart øya òg nytta som isolat for folk som hadde pest. I 1799 døydde mellom anna russiske sjømenn her og vart gravlagde på øya.^[2]

Under regjeringstida til kong James IV i renessansen var Inchkeith åstad for eit usedvanleg eksperiment. Jems IV sette i land ei kvinne og to spedbarn for å sjå kva språk spedborna ville lære seg når dei var isolerte frå resten av verda. Ein trudde at dette kom til å vere «originalspråket» eller språket til Gud. I følgje nedskrivingar kunne ikkje borna snakke.^[3]

Engelskmennene bygde eit stort firkanta fort på øya på 1500-talet, men dei vart drivne bort av ein kombinert fransk-skotsk styrke i 1549. ^[4] Dei engelske festningsverka vart ytterlegare forsterka av skottane. Seinare vart fortet eit fengsel.

I 1803 vart Inchkeith fyr bygd av Thomas Smith og Robert Stevenson. Lyset står 67 meter over havet. Dei påfølgjande åra vart festninga på øya forsterka i frykt frå ein invasjon frå Napoleon. Det same skjedde under begge verdskrigane. I 1899 fekk fyret tåkelur.