Ines Müller

Ines Müller, fødd Reichenbach, (fødd 2. januar 1959) er ein tysk tidlegare friidrettsutøvar frå Grimmen i Mecklenburg-Vorpommern som representerte Aust-Tyskland. Ho vann i 1986 EM-sølv og 1987 VM-bronse i kulestøyt.

Ines Müller
Statsborgarskap	Tyskland, Den tyske demokratiske republikken
Fødd	2. januar 1959 (66 år) Grimmen
Idrett	friidrett
Tok del i	Sommar-OL 1988, Sommar-OL 1980

Aktiv

Ines Reichenbach vart nummer åtte i kuletevlinga ved Sommar-OL 1980 i Moskva. Ho måtte vente i seks år før ho fekk delta i den neste store internasjonale meisterskapen. Som Ines Müller vart ho austtysk meister 1985 i kulestøyt og på ny i 1986. Under europameisterskapen 1986 tok ho sølvmedaljen i øvinga, einast landslagskollega Heidi Krieger støytte lenger. Året etter kneip Müller bronsen i kulestøyt i Friidretts-VM, verdmeister Natalja Lisovskaja frå Sovjetunionen og hennar eiga landskvinne Kathrin Neimke var i eiga klasse. Den 16. mai 1988 sette Müller livsbeste i kulestøyt med 21,57 meter ved eit stemne i Aten. Fire månader seinare var ho langt unna den lengda då OL-finalen i kulestøyt fann stad i Seoul, berga likevel ein fjerdeplass.

Müller var også ein framifrå diskoskastar med ein personbeste på 66,40 meter, oppnådd 22. september 1985 i Berlin.

Medaljar og plasseringar i internasjonale meisterskap

• OL 1980 i Moskva: Nr 8 – 19,66 m
• EM 1986 i Stuttgart: Sølvmedalje – 20,81 m, bakom Heidi Krieger (21,10 m)
• VM 1987 i Roma: Bronsemedalje – 20,76 m
• OL 1988 i Seoul: Nr 4 – 20,37 m

Kjelder

• «Ines Reichenbach-Müller» (på engelsk). olympedia.org. Henta 14. februar 2023.
• Denne artikkelen bygger på «Ines Müller» frå Wikipedia på tysk, den 7. juni 2021.